Oleh : Nurjannah Usman
Assalamualaikum warahmatullah
Saleum dibabah panton lon buka
Haba lon tuleh ca-e lon peugah
Tanggongjaweb ayah dua ngon poma
Tajaga aneuk ta asuh beu pah
Meubek keu teulah singoh syedara
Aneuk miet cut-cut sayang meuleumpah
Watee geukubah bak daycare nama
Meunyoe dalam buet han metume papah
Tanggong jaweb yah neujaga sama
Jok penitipan neukalon beupah
Nyang yoe ke Allah bek p
ubuet desya
Dron neuh buk guru pih saboh kisah
Jaga amanah bek sagai lupa
Aneuk miet cut-cut walau pih salah
Meubek neu marah atau neuhila
Nyan malaikat beugot neupapah
Desya ba Allah wahe syedara
Meunyoe dit gaji bak bos neupegah
Nyang hana salah meubek tasiksa
Buleuen purnama cahya jeureulah
Bintang pih ceudah deuh dalam donya
Haba ka abeh meu'ah lon surah
Ca-e lon peugah dalam media
Lampeunurut, 7 Mei 2026